Nå kan historielag og andre frivillige organisasjonar, musé, bibliotek, arkiv og skular få hjelp til å starte arbeid med munnleg historie:
- Kurs om intervju og intervjuinnsamlingar
- Praktisk samarbeid om intervjuopptak og dokumentasjon/etterarbeid
- Infrastruktur for arkivering av video- og lydopptak, redigering, dokumentasjon, langtids-arkivering og avlevering til Folkeminnesamlinga / Norsk etnologisk gransking / lokalt musé.
- Samarbeid om formidling av munnleg kulturarv og utvikling av munnleg historie som fagfelt.
Prosjekt Munnleg historie for alle (MHA) er eit samarbeid mellom Memoar – norsk organisasjon for munnleg historie, Folkeminnesamlinga, Norsk etnologisk gransking og Sparebankstiftelsen DnB. Takka vere sistnevnte, er MHA i stand til å hjelpa utan tyngande kostnader for samarbeidspartnarar
MHA vil prioritera rask framdrift, og ynskjer at interesserte historielag, andre frivillige organisasjonar, abm-institusjonar, skular eller andre utdanningsinstitusjonar tar kontakt tidleg. Adressa til prosjektnettsida er: http://www.memoar.no/mha Der finns både prosjektskildringa og siste nytt om framdrifta.
Munnleg historie er systematisk innsamling, dokumentasjon, arkivering og formidling av minner og refleksjonar om levde liv. Alle er primærkjelder til den tida me lever og har levd. Enten me tenkjer på kvardagslivet eller på store historiske prosessar, så er forteljingane våre immateriell kulturarv.
Noreg har lange tradisjonar i dette arbeidet. Folkeminnesamlinga vart etablert i 1913, innsamlingane starta midt i århundret før av kjente folk som Asbjørnsen og Moe, Ivar Aasen og andre. Dei måtte skriva ned forteljingane. I dag er det praktisk og økonomisk mogleg å ta vare på originalmaterialet.
Visjonen i dette prosjektet er at vi som lever nå skal bli den fyrste generasjonen som legg att etter oss store samlingar av vanlege folk sine livshistorier. Alle har ei forteljing å dela!
Kontaktadresser: Denne e-postadressen er beskyttet mot programmer som samler e-postadresser. Du må aktivere javaskript for å kunne se den. – eller direkte til stabsmedlemmene:
Line Grønstad: Denne e-postadressen er beskyttet mot programmer som samler e-postadresser. Du må aktivere javaskript for å kunne se den. Bjørn Enes: Denne e-postadressen er beskyttet mot programmer som samler e-postadresser. Du må aktivere javaskript for å kunne se den. Barbro Matre - Denne e-postadressen er beskyttet mot programmer som samler e-postadresser. Du må aktivere javaskript for å kunne se den. Inger Christine Årstad - Denne e-postadressen er beskyttet mot programmer som samler e-postadresser. Du må aktivere javaskript for å kunne se den.Leiar av Memoar, Bjørn Enes, tar også imot telefonar på nr. 41516745.
(Bildet: Line Esborg intervjuar Lillian Heitmann i Alta i september 2018. Foto: Audun Kjus)
